𝓑𝓵𝓾𝓮 𝓑𝓮𝓻𝓻𝔂

പള്ളുരുത്തി എന്ന കൊച്ചുപട്ടണത്തിലെ ഒന്നാം ക്ലാസുകാരി ലിയ കൗതുകകരമായ സ്വഭാവത്തിനും അതിരുകളില്ലാത്ത ഭാവനയ്ക്കും പേരുകേട്ടവളായിരുന്നു. അന്ന് മഴയുള്ള ഒരു വെള്ളിയാഴ്ചയായിരുന്നു, മഴത്തുള്ളികൾ ക്ലാസ് മുറിയുടെ ജനാലയിലൂടെ ഓടുന്നത് നോക്കിയിരുന്ന് അവൾ തൻ്റെ റെയ്ൻകോട്ട് നന്നായി ചുറ്റിപ്പിടിച്ച്, ആവേശത്തോടെ ഇന്ന് വീട്ടിലേക്കുള്ള വഴിയിൽ അവളെക്കാൾ മുതിർന്ന തന്റെ കൂട്ടുകാരോട് ചർച്ചചെയ്യേണ്ട അവളുടെ ലോകത്തിലെ അന്താരാഷ്ട്ര പ്രശ്നങ്ങളെക്കുറിച്ച് ചിന്തിച്ചു കൊണ്ട് മഴ തുള്ളികളെ തന്നെ ഉറ്റുനോക്കിയിരിക്കുകയായിരുന്നു.അപ്രതീക്ഷിതമായ കാലാവസ്ഥ കാരണം സ്കൂൾ ഹാഫ് ഡേ പ്രഖ്യാപിച്ചിരുന്നു.  അവസാന മണി മുഴങ്ങുമ്പോൾ, സഹപാഠികൾ ആഹ്ലാദപ്രകടനങ്ങൾ പുറപ്പെടുവിച്ചുകൊണ്ട്  പുറത്തേക്കോടി. ഇതിനകം ഇന്നത്തെ പദ്ധതികൾ അവൾ മനസ്സിൽ ഉറപ്പിച്ചിരുന്നു.  ഇന്ന് അവൾ അവളുടെ സുഹൃത്ത് ജിഷയുടെയും ജിത്തുവിന്റെയും വീട് സന്ദർശിക്കും. അതായിരുന്നു അവളും അവളുടെ പുതിയ കൂട്ടുകാരും തീരുമാനിച്ച് പറഞ്ഞുറപ്പിച്ചിരുന്നത്.  അവളുടെ അപ്പച്ചന്റെ അനിയൻ കല്യാണം കഴിച്ചിരുന്നത് പള്ളുരുത്തിയിൽ നിന്നും കുറച്ചകലെയുള്ള പെരുമ്പടപ്പ് എന്ന സ്ഥല...